7. IGUAI ATHURI NA ATUMIA. (1/7/1947)

1.
Iguai athuri na atumia
Na anake na airĩtu na tũkenge
Thikĩrĩria mũmenye inyuothe
Igongona rĩa ma nĩrĩo njĩra

Jehova atuire Jesu gĩcungi
Kĩa mahoya ma ndũrĩrĩ ciothe

2.
Habili atũũrire na ũthingu mũingĩ
Akenirie Ngai na igongona
Mathĩna ma Nuhu na maithori
Maakenirie Ngai na igongona

3.
Irĩkanĩro cia Iburahĩmu
Na Jehova ciarĩ nyingĩ mũno
Na kĩrĩa kĩnene Ngai amwĩrire
Aaruta mwana wa igongona

4.
Hĩndĩ ĩrĩa Musa maagianaga
Na Firaũni nĩahũrire
Misiri guothe na ciama nyingĩ
Akũũrire andũ na igongona

5.
Musa nĩaheirwo maathani ikũmi
Matongoragie kĩgongona
Na nĩatigirwo kĩrĩma igũrũ
Onio ũrĩa egwaka gĩthĩnjĩro

6.
Daudi aitĩrĩirio maguta ma Ngai
Aciragĩrĩre Isiraeli
Akĩĩra Jehova nĩegwaka nyũmba
Ya magongona ma Jakubu

7.
Mwathani oka thĩ nĩahonanirie
Mĩrimũ na akĩringa ciama
Ahoota mbaara yothe agĩita
Thakame akũũre magongona

8.
Gĩtũmi Roho aitĩrĩrio andũ
Nĩ makaĩre Ngai na ma
Tondũ akenagio nĩ magongona
Ma ũhoreri na wendani