554. WATHO WA NGAI NA WATHO WA JESU

Thama 20:1-18; Mathayo 22:37-41

1.
Watho wa Ngai na watho wa Jesu
Na watho wa Roho Mũtheru rũmiai
Watho ũcio nĩguo gĩtina gĩtheru
Gĩtina kĩrũmu gĩtangĩenyenyeka
Gĩtagwo maathani ikũmi na merĩ
Maathani macio nĩmo muoyo wa tene na tene

2.
Jehova Ngai athanire gũtikanagĩe
Na Ngai ũngĩ akiuga we mwene wiki
Nĩwe Ngai tondũ we rĩrĩa ombaga
Igũrũ na thĩ na indo ciothe gũtionekire
Ngai ũngĩ wa kũmũrutithia wĩra ũcio
No Nĩwe wiki warutire wĩra wothe na ma

3.
Agĩathana ndũkanagwete Rĩĩtwa rĩa Ngai waku na itherũ
Jehova ndakoiga atĩ mũndũ ndehĩtie watho
Ũrĩa ũgwetaga Rĩĩtwa rĩa Jehova na itherũ
Ririkanaga mũthenya wa thabatũ ũwamũrage
Rutaga mawĩra maku mothe mĩthenya ĩtandatũ
Ũgeka maũndũ maku mothe kĩũmbe ũkarĩkia

4.
No mũthenya wa mũgwanja nĩ thabatũ
Ya Jehova Ngai ũrĩa mũtheru na ma
Mũthenya ũcio ndũkanarute wĩra o na ũrĩkũ
We mwene kana mũrũguo kana mwarĩguo
Kana ndungata yaku ya mũndũ-mũrũme
Kana ndungata ya mũndũ-wa-nja kana ũhiũ waku

5.
O na kana mũgeni ũrĩa waku
Andũ othe a mũciĩ waku mahurũkage
Othe mũthenya ũcio macokerie Ngai ngatho
Nĩgũkorwo Jehova ombire igũrũ na thĩ
Na iria rĩrĩa inene o na indo ciothe iria irĩ kuo
Mĩthenya ĩtandatũ wa mũgwanja akĩhurũka

6.
Tĩa thoguo na ũtĩe nyũkwa nĩguo matukũ
Maku maingĩhe ũiyũrwo nĩ ũhoreri meciria
Ndũkanoragane na ndũkanatharanie na ndũkanaiye
Na ndũkanaigĩrĩre mũndũ ũrĩa ũngĩ kĩgenyo
Na ndũkanerirĩrie indo ciothe itarĩ ciaku
Rũmia mĩthiĩre ya kĩhooto rũmia ũhoro wa ma.