550. MUIRITU MUTHERU NA MA

1.
Mũirĩtu mũtheru na ma
Mũirĩtu mũtheru ũtarĩ ũcuke
Ũguo nĩguo mũthure Paulo oigire
Kanitha wa Ngai ũtũũre
Wĩ mũhiki mũtheru

2.
Nĩtũkenei ngoro tũcanjamũke
Tũmũhe ngatho iria imwagĩrĩire
Ũhiki wa Gatũrũme nĩ mũkinyu
Mũhiki wake etagwo
Kanitha mũtheru

3.
Etikĩrĩrio ehumbe nguo iria theru
Nguo nĩ ciĩko iria cia ũthingu
Iria cia andũ arĩa atheru
Na iruga nĩ ciugo
Iria cia ma cia Ngai

4.
Roho nĩoigire andĩka ciugo ici
Gũkena nĩ arĩa metĩirwo
Iruga rĩa kĩhikanio kĩu gĩtheru
Gatũrũme akĩhikia
Kanitha wa ma

5.
Nyũmba ya ũhiki wa Gatũrũme
Nyũmba ĩyo ĩtagwo Jerusalemu
Ya mĩromo ikũmi na ĩrĩ ya thahabu
Kũu nĩkuo
Gũgatonywo nĩ atheru

6.
Matigacoka kũrakara
Magatũũra na gĩkeno kĩnene
Othe magatũũra me ngoro ĩmwe
Me na Ngai na Jesu
Na Roho Mũtheru.