527. MENYAGIRIRA MITHIIRE YAKU

1.
Menyagĩrĩra mĩthiĩre yaku
Ndĩkanagũcambithie menya ciĩko ciaku
Iria wĩkaga ingĩgũcambithia
Gũtirĩ mũndũ kana mũraika
Ũngĩaria oige ndũrĩ na mehia ciĩko
Ikiugaga wĩ na mehia

2.
Menya Caitani nĩacambire kwĩ Ngai
Na egũtũũra acambagio nĩ mĩthiĩre yake
Mĩthiĩre ya mũndũ we mwene nĩyo ĩmũcambagia
Agacamba kwĩ Ngai na agacamba kũrĩ andũ
Ndamũthaitha inyuothe o mũndũ
Amenyerere mĩthiĩre yake

3.
Gũtirĩ mũndũ uugaga niĩ ndiũĩ
Tondũ meciria makwa ti magima
Ciĩko cia mũndũ nĩcio ciugaga
Ũyũ ndoĩ o na hanini onei ciĩko ciake
Nĩ njũru nĩ ciĩko cia ũrimũ mĩthiĩre yake yothe
Yugaga ndoĩ atĩ nĩ kĩrimũ

4.
O na meciria gũtirĩ mũndũ uugaga
Niĩ meciria makwa ti magima
No ciugo cia kanua gake nĩcio ciugaga
Ũyũ ti mũgima meciria ningĩ ciĩko ciake
Nĩcio ciugaga ti mũgima
Nĩ ciĩko cia mbũkĩrĩra

5.
Mũndũ angĩgathĩrĩrio nĩ ciĩko ciake
Gũtirĩ mũndũ ũngĩhota kũmũcambia
O na thũ ciake itingĩhota kũmũcambia
Ciĩko cia mũndũ nĩcio imũcambagia
Na ciĩko cia mũndũ ikamũgathĩrĩria
Kwĩ Ngai na kũrĩ andũ.