462. MAUNDU NO MERI MARIA MARI HO

1.
Maũndũ no merĩ marĩa marĩ ho
Mwaki kana muoyo mũndũ ecũranie
Jehova ena magai merĩ ma kũheana
Na nĩakahe mũndũ na ndericũkwo

Aremi iguai kana mũikare
Hingũrai matũ kana mũhinge
Gũtirĩ watho mwerũ ũkĩte kuma igũrũ
Mũkwĩrwo tiga ũrĩa mwerirwo tene

2.
Adamu athaithirwo nĩ Ngai akĩĩrwo
Ndakarĩe mũtĩ ũrĩa marĩkanĩire
Arĩa Ngai akĩmenya akĩigua ũũru agĩũkĩra
Ngai akĩmũingata na ndericũkwo

3.
Nuhu nĩerire andũ tene merire
Akĩmathaithaga na matiĩtĩkie
Maaĩ maiyũrire thĩ andũ othe makĩũragwo
Ngai akĩmanina na ndericũkwo

4.
Sodomu no Loti wahonokire
Tondũ wa ũremi ũrĩa waiyũrĩte kuo
Mwaki ũkiura ta mbura andũ othe makĩũragwo
Ngai akĩmanina na ndericũkwo

5.
Naguo ũthingu rĩrĩa waikũrũkirio
Iburahĩmu oiga nĩawamũkĩra
Magĩa ndũgũ na Ngai ndacokire kwagana
Ngai akĩmũrathima na ndericũkwo

6.
Musa athaithanĩire andũ a Isiraeli
Kwĩ Jehova rĩrĩa maatũrĩkire
Makĩrekerio nyoka werũ-inĩ makĩũragwo
Ngai akĩmanina na ndericũkwo

7.
Shadiraka rĩrĩa maanyariragwo
Nĩ ũthingu na wĩtikio ciahotanire
Mwaki ũkĩagithio hinya o atatũ makiumĩra
Ngai akĩmahonokia na ndericũkwo

8.
Nake Jesu rĩrĩa maamũũragire
Nĩ ũthingu watũmire gĩkuũ kĩingatwo
Mũraika akiuma igũrũ akĩhingũra mbĩrĩra
Ngai akĩmũhonokia na ndericũkwo.