33. UTHAMAKI WA IGURU UKAHANANIO

1.
Ũthamaki wa igũrũ ũkahaananio,
na airĩtu ikũmi
Arĩa moire matawa mao,
mathagane mũhikania
Atano maarĩ ogĩ,
nao atano maarĩ akĩgu
Nĩ ũndũ arĩa akĩgu matiakuire,
maguta na cuba

2.
Airĩtu arĩa ogĩ nĩmaiyũririe,
matawa maguta
Na magĩkuua mangĩ na mĩcuba,
matuĩke mũthithũ
Kũrathimwo nĩ arĩa,
maaheetwo kũmenya
Ciugo cia ũthamaki wa Mwathani,
nĩ ũndũ ndũgathira

3. Mũhikania nake rĩrĩa aikarire,
magicũnga magĩkoma
Ũtukũ gatagatĩ gũkĩanĩrĩrwo,
mũhikania arĩ gũka
Umai mũmũthagaanie,
na ũtheri wa tawa
Airĩtu acio othe magĩũkĩra narua,
magwatie matawa 4.
Matawa matano ma airĩtu arĩa ogĩ,
magĩakana wega
No macio matano ma airĩtu arĩa akĩgu,
makĩhora mothe
Makira arĩa ogĩ,
“Tũhei maguta
Nĩ ũndũ matawa maitũ mekũhora,
makaga gwakana”

5.
Makĩrwo maya matingĩtũigana,
o na mamũigane
No makĩria thiĩi mũkagũre manyu,
kũrĩ arĩa mendagia
Hĩndĩ ĩrĩa mathiĩte,
mũhikania agiũka
Agĩtonya thĩinĩ hamwe na arĩa ogĩ,
mũrango ũkĩhingwo

6.
Airĩtu arĩa akĩgu rĩrĩa mokire,
makĩringa mũrango
Makiuga hingũra tũrĩ gũka na ithuĩ,
tũtonye gĩathĩ-inĩ
Makĩĩrwo ndimũĩ,
ndiũĩ kũrĩa mumĩte
Nĩmwahenereirio nĩ maũndũ ma thĩ,
thiĩi gwĩ ithe wamo.