319. JESU NIAKIRE NYUMBA YA NGAI

1.
Jesu nĩ akire nyũmba ya Ngai
Me Kĩrĩma-inĩ kĩa Mĩtamaiyũ
Rĩrĩa ambatirie ho Petro na Jakubu
Na Johana akĩmatua nyũmba theru

Mwendi muoyo tĩya na ma
Watho wa Ngai na ũrũmie
Watho ũrĩa uugaga “Ceemaga
Ũgĩtonya nyũmba ya Ngai”

2.
Petro akiuga njĩtĩkĩria njake ithũnũ ithatũ
Gĩaku na kĩa Musa na kĩa Elija
Ũguo wataũrwo nĩ kuuga irĩkanĩro
Ithatũ Ngai na Jesu na Roho Mũtheru

3.
Ndundu-inĩ ya kanitha nĩho Jesu
Akĩire Ngai nyũmba theru na ma
Nyũmba theru na ma nyũmba ĩĩtagwo
Erĩ na atatũ me ngaro o ĩmwe ki

4.
Nyũmba ĩyo theru ya Ngai Jesu amĩakire
Ngoro-inĩ cia atũmwo ikũmi na erĩ
Nyũmba ĩrĩa ĩikaragwo nĩ Ngai nyũmba ĩyo
Rĩĩtwa rĩayo nĩ ndundu theru ya kanitha

5.
Itugĩ cia nyũmba theru ya Ngai
Nyũmba ĩrĩa Jesu aakire nĩ aahandire
Itugĩ ikũmi na igĩrĩ itugĩ theru
Cia gũtiira ndundu ya kanitha

6.
Ndundu theru ndĩkae gũtũgũgio
Nĩ Caitani atũmwo arĩa ikũmi na erĩ
Nĩo Jesu atuire itugĩ cia kũhanda
Kanitha nĩo itugĩ numũ itangĩenyenyeka

7.
Nyũmba ĩyo Jesu aakire nĩ yatuĩkire
Ũtheri wa ngoro cia andũ aingĩ na nyũmba ĩyo
Ĩgĩtonywo thĩinĩ nĩ ndũrĩrĩ ciothe
O ũrĩa Petro aguũrĩirio nĩ Roho Mũtheru

8.
Hĩndĩ ĩrĩa Petero atũmirwo nĩ Jesu
Gwa Korinelio Petero atware ũhoro
Akĩmatwarĩra kĩrĩkanĩro kĩrĩa kĩerũ
Ndũrĩrĩ ikĩrathimwo na kĩrathimo kĩa Iburahĩmu.