301. ATONGORIA AYA NI ERI

1.
Atongoria aya nĩ erĩ
Jesu na Caitani
Rũmia ũmwe ngoro-inĩ yaku
Wĩcirie wĩthuurĩre ũrĩa ũkwenda
Atuĩke mũtongoria waku

Ikundi nĩ igĩrĩ
Gĩkundi kĩega na kĩũru
Gĩkundi kĩũru gĩĩkaga ciĩko njũru
Gĩkundi kĩega gĩĩkaga ciĩko njega

2.
Gũtirĩ kwagĩa ikundi ithatũ
Menya ikundi nĩ igĩrĩ
Na gũtikagĩa ikundi ithatũ
Nginya ithirĩro-inĩ ikundi nĩ igĩrĩ

3.
Ũhoro wa ma nĩguo ũikaragia
Gĩkundi kĩrĩa kĩega
Na ũhoro wa maheni nĩguo ũikaragia
Gĩkundi kĩrĩa kĩũru

4.
Ũmenyo wa meciria ma ũũgĩ wa andũ
Uugaga ikundi nĩ nyingĩ mũno
No ũmenyo wa Roho Mũtheru
Uugaga ikundi nĩ igĩrĩ tu

5.
Mũtongoria wa gĩkundi kĩrĩa kĩega
Etagwo Jesu Mũrũ wa Ngai
Na hinya wake nĩ ũhoro wa ma
Ũtukũ na mũthenya aragia ũhoro wa ma

6.
Ũrĩa mũtongoria wa gĩkundi kĩrĩa kĩũru
Etaguo Caitani
Na nĩ ehokete mũno ũhoro wa maheni
Ndahurũkaga aragia maheni ũtukũ na mũthenya

7.
Ngoro-inĩ cianyu o mũndũ nĩ amenye
Gĩkundi kĩrĩa egũthoma
Gĩtina kĩega na kĩũru menyai gĩakagwo
Meciria-inĩ ma andũ othe anyinyi na anene

8.
Adamu na Hawa nĩo maakire
Gĩtina kĩũru magĩkararia Ngai
Jesu na Roho Mũtheru magĩaka
Gĩtina kĩega magĩathĩkĩra Ngai.