244. UYU NI MUTHERU MWIHOKEKU

1.
Ũyũ nĩ mũtheru mwĩhokeku
Amũrwo na aitĩrĩrio maguta
Arutagĩre andũ magongona
Kuuma ũmũthĩ athaithage Ngai

2.
Athuuri a kanitha nĩ inyuĩ aira
Tuĩkai aira a ma ehokeku
Mũrũmie mĩhĩtwa na irĩkanĩro
Mũcirũmagie mũiyũirwo nĩ ma

3.
Wĩra ũyũ mwaheo mũrutĩre
Ikundi ici ithathatũ ciĩtagwo
Athuuri na atumia na anake
Na airĩtu na tũmwana na tũirĩtu

4.
Mwĩhinyagĩrĩrie mahoya-inĩ
Mũmathaithanagĩrĩre na ma
Mwĩ na kĩeha ngoro-inĩ mwamenya
Ngai amũthurĩte nĩ ũndũ wao

5.
Tungatanagĩrai na wendo
Tigai kwenda mũringĩrĩrio
Tungatanĩrai mwĩyendeire
Ngoro-inĩ mũcũthĩrĩirie Jesu

6.
Othe mũtuage ciira wao
Mũgĩtigagĩra ma ya Ngai
Jesu na Roho o na inyuĩ mũigue
Mamwetereire ciira-inĩ igũrũ

7.
Arĩa mũtungatagĩrwo inyuĩ
Kenai mwĩnyihie mwĩyendeire
Nĩmwaheo kĩheo gĩtagwo
Mũtungatanĩri ũtarĩ itherũ

8.
Kenai mũno nĩ ũndũ aira aya
Mathurwo ũmũthĩ matuĩke aira
A wĩra wanyu hatarĩ itherũ
Mũthenya na ũtukũ menogagie

9.
Inyuĩ mũtarĩ athuuri a kanitha
Paulo nĩoigire mũtĩage
Athuuri a kanitha no makĩria
Nĩ arĩa menogagia nĩ ũndũ wanyu.