215. MENYAGIRIRA CIUGO UKIARIA

1.
Menyagĩrĩra ciugo ũkĩaria
Ũgatiga kwaria cia tũhũ
Ciugo cia Ngai nĩ cia muoyo
Kaba warie kĩmwe kĩ muoyo

Rora wone noguo gũtariĩ
Ũrutwo kwaria ma nĩ Ngai
2.

Adam ehia Ngai amũheire
Watho akĩrwo “Nĩũrĩkuaga
Mwĩrĩ wakua ũgathiĩ tĩri-inĩ
Rũkũngũ-inĩ kũrĩa woimire”
3.
Adam na Hawa merirwo
“Mwĩcokaga tĩri-inĩ mwakua”
Ũguo Jehova Ngai oigire
Andũ othe metereire makue

4.
Mombirwo andũ-a-nja na arũme
Na magĩathwo andũ wĩra wao
Adam akĩrwo athithinage
Nake Hawa amwathĩkagĩre

5.
Ũrĩa watuirwo mũirũ akĩũmbwo
Kana mwerũ egũtũũra o ũguo
Tiga kwĩyongerera ũthaka
Ndũngĩira ũndũ ũngĩ na ndũerũha

6.
Mũndũ mũraya na mũkuhĩ
Ngai amombire matũũre guo
Mũndũ mũtungu na mũceke
Ũũgĩ ũcio wothe nĩ wa Ngai

7.
Ciĩga ciaheirwo wĩra ciothe
Nĩ Jehova rĩrĩa ciombirwo
Wendani nĩ mũnene mũno
Ciĩga icio ikinyũkagia hamwe

8.
Indo ciombirwo ikenagie andũ
Mũndũ akĩũmbwo akenagie Ngai
Jehova na Jesu na Roho
Makenagio nĩ ũthingu wa ma.