13. ANDU ARIA ATHINGU NA AHORERI

.
Andũ arĩa athingu na ahoreri
Me ngoro njega ciyũire tha
Nĩmĩ ciao itarĩ njambanio
Ta kĩmaiguei, ũrĩa marathimĩ1two
Nĩ Roho wa ma

2.
Mahaana riũa rĩkĩratha
Rĩrathaga nduma ĩgathira
Andũ othe makarĩkenera
Ũthingu ũhaana, ta itu rĩrĩ na mbura
Yarĩkia kuura

3.
Anabii othe na atũmwo othe
Moragirwo makĩrũĩra
Ngoro iria thingu na horeri
Itigathahio, ũthingu nĩ ũthamaki
Wa kwĩhokeka

4.
Nao arĩa marĩ ũthũ na ũthingu
Na nĩmathũire ũhoro wa ma
Roho oigire metagwo ithukĩ
Na mĩtĩ mĩũmũ, ningĩ metagwo mĩigua
Na nĩ marima

5.
Uũgĩ wothe wa ngoro ciao
Meninaga naguo magakua
Meciria mao magathũka
O ta ma nyamũ, ngoro ciao ikarũra
Gũkĩra nyongo

6.
Kĩrathimo kĩao nĩ gĩkĩ
Kĩrĩa Roho amarathimiĩre
Na igai rĩrĩa makagaya
Harĩ Jehova, nĩ marakara mahiũ
O na kĩrumi.