136. MUTHERU WA IBURAHIMU

1.
Mũtheru wa Iburahĩmu
Tawa wa nyũmba ya Jakubu
Baba nginya womba igũrũ
Na ũkĩũmba thĩ na indo ciothe
Jehova maũndũ mothe
Wĩkaga na ũthingu na ihooto
Tũiguĩre tha ndũgatharie
Marĩĩtwa maitũ ibuku-inĩ

2.
Ngai nĩ ithuĩ tũkwĩhĩtie
O na tũgagũkararia
Wĩ mũthingu thĩkĩrĩria
Tũkumbũrĩre mahitia
Na ũhingũre maitho wone
Twĩ njĩra-inĩ na twĩ njaga
Na ng’aragu na kũnyota
Na thũ igatũrigicĩria

3.
We kĩhoti mũthamaki
Wa kĩhooto tũrekere
Tondũ Ngai moko marĩa
Wathambirie na ũkĩamũra
Waigĩrĩra mĩtwe itũ
Nĩ ithuĩ twamaagiĩre bata
Mũrĩithi wa Isirael
Mehia ma ũrimũ tuohere

4.
Jehova maguta marĩa
Waitĩrĩirie ngoro citũ
Moimĩte rũrĩmĩ rwaku
Nĩtwamaconorithirie
Kwĩ ndũrĩrĩ cia gũkũ thĩ
Iria itoĩ rĩĩtwa rĩaku
Twagũthaitha ririkana
Kwĩhokeka kwa Mũrũguo

5.
Maathani marĩa Mũrũguo
Acurĩirio mũtĩ-igũrũ
Na mĩhĩtwa ya ũbatithio
Na irĩkanĩro cia ũhiki
Na magongona matheru
Na ũthingu tũgĩkũrania
Na mĩtugo ya ndũrĩrĩ
Twabutha ũkĩira ngoro

6.
Cokerera ngoro ciothe
Jesu kĩgongona kĩa ma
Ririkana wendo na tha
Iria ciatũmire ũtige
Gĩtĩ gĩa ũthamaki igũrũ
Ũgĩũka thĩ kũnyarirwo
We Mũtheru wahũrirwo
Na kĩboko tũhonoke