128. JESU NIONIRE ANDU GIKUNDI

1.
Jesu nĩonire andũ gĩkundi
Akĩambata kĩrĩma igũrũ
Aikara thĩ, atũmwo ake nao
Magĩthiĩ harĩ we amarute

Nĩ mũrutani mũnene
Wa kũruta ndũrĩrĩ ciothe
Mũhoreri, Mũira mũmĩrĩru
Wa Rĩĩtwa itheru rĩa Jehova

2.
Nake agĩtumũra kanua
Arutane njĩra ya igũrũ
Arĩa me na hinya mamĩgere
Magakore ũtonga matu-inĩ

3.
Hĩndĩ ĩo akiuga gũkena
Nĩ andũ arĩa matarĩ mwĩgatho
Nĩ gũkorwo ũnene wa igũrũ
Nĩ wao Ngai nĩamaigĩire

4.
Gũkena nĩ arĩa me na kĩeha
Gĩgathira mambata igũrũ
Na gũkena nĩ andũ arĩa ahoreri
Maigĩirwo igai thĩ ya igũrũ

5.
Kũrathimwo nĩ arĩa me tha
Jehova nĩakamaiguĩra tha
O na arĩa mahũtagĩra ũthingu
Makahũna na manyotoke

6.
Andũ arĩa meciragia wega
Nĩmakona ũthiũ wa Ngai
Nao andũ arĩa mateithũranaga
Magetagwo ariũ a Ngai

7.
Mwarumwo na mũnyarirwo
Na mũigĩrĩrwo igenyo njũru
Nĩ ũndũ wa Rĩĩtwa rĩa Gatũrũme
Nĩamũigĩire mũcaara mũingĩ

8.
Kenai na mũigue wega ma
Rĩrĩa andũ othe makamũmena
Nĩ gũkorwo anabii othe
Ũguo noguo manyariragwo.