124. CIUGO CIA NGAI NI THERU

1.
Ciugo cia Ngai nĩ theru
Gũtirĩ kiugo gĩa tũhũ
Nĩamenyagĩrĩra akĩaria
Atongoragio nĩ ũthingu
Mbeũ yake ndĩbuthaga
Ũhoro wake ndũmaga
Aũhanda nĩ ũciaraga

2.
Gatũrũme nĩ mũtheru
Maũndũ marĩa athanire
Hatirĩ akagarũrĩra
Makahinga ta ũrĩa aririe
Oigire mbaara nĩĩgoka
Ndũrĩrĩ ciũkanĩrĩre
Na nĩ gũkaagĩa ng’aragu

3.
Macio nĩmo kĩambĩrĩria
Naguo ũhoro ũyũ mwega
Wa ũthamaki wa igũrũ
Ũkahunjĩrio andũ othe
Ũtuĩke ũira kũrĩ o
Inyuĩ mũcamĩte ũthingu
Ũmĩrĩriai makĩria

4.
Mũthamaki nĩathanire
Mĩnyamaro ĩrĩa mĩnene
Ĩikũrũkĩrio arĩa me thĩ
Yũme igũrũ kwĩ Jehova
Rorai ũrathi wa Jesu
Muona ũkĩhinga mũmenye
Riũa rĩkirie gũkinya

5.
Mũthenya ũcio wa gũcoka
Nĩaũhithire andũ othe
Oigire araika matiũi
No Ithe witũ wiki ũũĩ
Jehova nĩagatũmana
Na mũgambo ta wa coro
Andũ athingu othe metĩke.