100. NGORO IHETWO UMENYO

100. NGORO IHEETWO UMENYO (11/1/1946)

1.
Ngoro ĩheetwo ũmenyo
Na wendo nĩ igai rĩa ma
Rĩciaraga ũthingu na tha
Na ũhoreri na ũ-tugi
Na wendani ũtarĩ ũhinga

2.
Igai rĩu nĩ itheru
Gũkĩra mbia na betha
Ti ta thahabu na ruru
Icio nĩiciaraga
Gĩkuũ, mehia na maheni na ũthũ

3.
Thawani nĩciahandirwo
Ũtukũ andũ me toro
Thĩinĩ wa ngano ĩrĩa ya ma
Ciahandirwo nĩ ũrĩa
Mũũru, thutha-inĩ igĩcoka kuonwo

4.
Njamba cia Jehova
Iria aigĩte matu-inĩ
Ihingagie watho wake
Nĩcio ikerwo ciũke
Igethe, ngano ĩitwo ikũmbi rĩake

5.
Hĩndĩ ĩo thawani
Nĩigacokererio ciohwo
Itĩya icinwo na mwaki
Wakĩirio Caitani
Hamwe, na ndungata ciake ciothe.