98. MWATHANI JESU ORIO NI ARUTWO

1.
Mwathani Jesu orio nĩ arutwo
Maũndũ ma ithirĩro
Nĩamoimbũrĩire e na ruo
Rũnene ngoro thĩinĩ

Arutani othe arĩa me thĩ
Makaai mũigue kĩeha
Mwĩ na ciira na Jehova
Gũkĩra andũ arĩa angĩ othe

2.
Merirwo menyererai
Matikanahĩtithio
Tondũ andũ aingĩ nĩmagoka
Marĩ na Rĩĩtwa rĩakwa

3.
Anabii aingĩ a maheni
Na arutani a mathaara
Nĩmakahĩtithia andũ arĩa
Me ngoro itakindĩirie

4.
Ciugo ciao nĩ nyoroku
Ta maguta me kanua
Na ũhoro wao nĩ mwega
Ta mũruru wa ũũkĩ

5.
Makaringa ciama nene
Mwaki umage igũrũ
Mahĩtithie andũ arĩa aamũre
Akorwo kwahoteka

6.
Mwĩhĩtwa wa Jesu wa ma
Oigire ahĩtithania
Magaitwo ngingo na ihiga
Marĩhio ciana ciothe.