97. NII NINGWIYURIA NDI GUKU THI INO

1.
Nĩi nĩngwĩyũria ndĩ gũkũ thĩ ĩno
Jesu agĩũka hihi nĩi nĩngakorwo
Wega wa Mwathani ũnyingĩhĩire
Hinya na ũcamba na ũmĩrĩru?

Matiendaga Jesu
Mekĩrĩire nda ciao ta arĩ Ngai

2.
Kĩhurũko kĩega kĩrĩ matu-inĩ
Thĩ ĩno ndĩrĩ mwago kana ũhurũko
Tũrĩ a kũnyarirwo nĩ athamaki a thĩ
Mwathani tũteithie tũmagĩrĩrie

3.
Tũrĩ a kũnyarirwo gũkũ thĩ guothe
O nginya cikaro ciitu inyarirwo
Nayo mĩĩrĩ iitũ ĩnyarirwo mũno
Mũtigetigĩre oragi a mwĩrĩ

4.
Anabii atheru nĩmaarathire
Na gũtirĩ kiugo gĩtakahinga
Gatũrũme oigire hatirĩ kairia
Kandĩke watho-inĩ gakagio hinya

5.
Roho nĩokire thĩ oimĩte igũrũ
Jesu amũtũmire athambie ndũrĩrĩ
Rĩu atũire thĩ ĩno anyarirĩkaga
Nĩakambata igũrũ gĩikaro gĩake

6.
Roho acũthĩrĩirio nĩ araika
O na agacũthĩrĩrio nĩ Jehova
Jesu no kĩrĩro e gĩthĩnjĩro-inĩ
“Wũi Roho wakwa arĩ ũgwati-inĩ!”

7.
Ngai agaikũrũka ta itu rĩa mbura
Rĩiyũrĩte mwaki wa marakara
Ndũrĩrĩ cia thĩ ĩno nĩguo ikamenya
Ucio nĩ Mũtheru ndoyaga ihaki.