91. WE KIRIMA KI MATUIINI

1.
We kĩrĩma kĩ matu-inĩ
Watũreheire ihiga
Rĩkĩhingia ũira wothe
Wa tũnua twa anabii

Jehova wa Iburahĩmu
Mũrĩithi wa Isaka
Mũtongoria wa Jakubu
Ringwo nĩ tha ũtũteithie

2.
Ũthingu na ũhoro wa ma
Na ũtugi no ciaku
Kĩhooto na kwĩhokeka
Wĩyohete ta rũhiũ

3.
Ithe witũ ririkana
Rĩĩtwa rĩa Iburahĩmu
O na irĩkanĩro theru
Iria mwarĩkanĩire

4.
Musa ũrĩa waku mũthingu
Waiyũirwo nĩ ũhoreri
Enyihia mwĩ kĩrĩma-inĩ
Wamwĩrire ciugo ici

5.
Ndũhiũhaga kũrakara
Ngai wa Iburahĩmu
Tha ciaku igakinyĩrĩra
Njiarwa ciothe iria irĩ thĩ

6.
Narĩ korwo waguũrĩria
Ngoro ciothe iria irĩ thĩ
Ũhoti wa Rĩĩtwa rĩaku
Mamenye atĩ wĩ muoyo.