539. MWATHANI WIITU RIRIA AMBATIRE

1.
Mwathani witũ rĩrĩa ambatire
Kĩrĩma-inĩ e wiki
Nĩ etirie hinya na ũmĩrĩru
Wa kũhoota Caitani

2.
Oigire makinya makwa mothe
Marĩa niĩ ndathiĩrĩire
No mo na inyuĩ mũkagerera
Na mũnyuĩre ikombe icio

3.
Mwanyuĩra ikombe cia ũmĩrĩru
Iria Mwathani anyuĩrĩire
Nĩ cia ruo ningĩ nĩ cia thĩna
Na maithori na kĩeha

4.
Mũkũrĩra tondũ mũrĩ agendi
Na mũtirĩ a Mũcukani
Na mũtirĩ a kĩrathimo gĩa thĩ
Jesu witũ e matu-inĩ

5.
Ngoro cianyu itarĩ iranyarirwo
Jesu ndangĩmũtiga
Tondũ we ndatiganĩirio nĩ Ithe
Ruo-inĩ kwa Ayahudi

6.
Mũtikamakio nĩ iria inene
Rĩrĩa rĩ mbere yanyu
Kana nduma kana irĩma nene
Jesu nĩ mũnene wacio

7.
Mwĩhumbei ũkirĩrĩria wothe
Kũnyarirwo kana gũkua
Mũkĩmenyaga mũrĩ thabibũ
Nĩmĩre na thakame.