519. MWANA WAKWA IYURUO NI HINYA

1.
Mwana wakwa iyũrwo nĩ hinya
Nĩ ũndũ wa wega ũrĩa uumaga
Hinya-inĩ wa Roho Mũtheru
Thĩinĩ wa Mwathani Jesu

Nĩ ũrutani mũtheru
Paulo arutanire
Marũa-inĩ marĩa andĩkĩire
Mwana wake Timotheo

2.
Maũndũ marĩa ũiguĩte
Na niĩ aira aingĩ marĩ ho
Igaga maũndũ macio
Ngoro-inĩ cia andũ arĩa ehokeku

3.
Andũ acio ehokeku na ma
Nĩo marĩongagĩrĩra andũ
Arĩa anyinyi na anene
Ũrutani ũrĩa mũtheru

4.
Enda ũnyarirwo hamwe
Na niĩ ta ũrĩ mũthigari
Mũmĩrĩru na mwagĩrĩru
Wĩra wa Ngai ndũkanakũnogie

5.
Mũthigari ũrĩa mwĩhokeku
Ndangĩenda kũrigicanio
Nĩ mabata marĩa ma ndũire
Endaga akenie mwene wĩra

6.
Gũtirĩ mũthigari
Ũigagĩrĩrwo thũmbĩ mũtwe
Atahotanĩte na ma watho-inĩ
Wĩra-inĩ ũrĩa we arutaga.