507. NGAI ANGIGAKUHE UHOTI

1.
Ngai angĩgakũhe ũhoti
Wa kũringaga ciama
We ũkagoocithia Rĩĩtwa
Rĩa Ngai na rĩa Jesu
Na rĩa Roho Mũtheru
Ndũkanende we ũgoocwo
We mwene nĩũkagoocithia Rĩĩtwa rĩa Ngai
Na Jesu na Roho Mũtheru

Gũkena nĩ atheru a tene
Maaheirwo ũhoti nĩ Ngai
Wa kũringaga ciama
Cia mĩthemba yothe
Makĩgoocithia Ngai
Na Jesu na Roho Mũtheru
Na matiegoocithirie
Mendire na ngoro Ngai wao agoocwo

2.
Musa aitĩrĩrio maguta
Nĩ Ngai akĩheo ciama
Cia mĩthemba yothe
Musa akĩinainia Misiri
Ngai cia kuo ikĩmaka
Ciothe na igĩconoka
Ngai wa Iburahĩmu
Na isaaka na Jakubu akĩgoocwo

3.
Joshua arũgamirie
Riũa na mweri na njata
Ikĩhanda ikĩrũgama
Jehova ahoywo nĩ Joshua
Ngai nĩaiguire mahoya
Ma Joshua Ngai akĩgoocwo
Ngai wa Iburahĩmu
Na isaaka na Jakubu akĩgoocwo

4.
Elija nĩamũrirwo
Nĩ Ngai akĩheo ciama
No ndaigana kwĩgoocithia
Agoocithirie Jehova
O na mũtheru Elisha
Jehova amũhe ũhoti
Wa kũringa ciama
Agoocithirie Jehova na ciama icio

5.
Jesu agoocithirie Ithe
Na ciama iria aringire
Na agĩitĩrĩria Petero
Maguta aringage ciama
Petero ndegoocithirie
We mwene agoocithirie
Rĩĩtwa rĩa Jesu kũrĩ arĩa
Monire Petero akĩhonania mĩrimũ

6.
Paulo ndũrĩrĩ-inĩ
Ciama iria aringire kuo
Agoocithirie Ngai
Na Jesu na Roho Mũtheru
Na akĩgocithia kanitha
Mũtheru na mwamũre
Kanitha mũtheru ũrĩa wamũitĩrĩirie
Maguta magĩe ngwatanĩro theru wĩra-inĩ.