446. HINGURAI NGORO CIANYU

1.
Hingũrai ngoro cianyu
Matũ ciigue imenye
Njĩra ya gũthiĩ matu-inĩ
Mũkone gĩkeno
Tondũ nĩkuo ngoro cianyu
Ciĩrĩgagĩrĩra
Mĩago na morirũ maingĩ
Cia arĩa akirĩrĩria

2.
Jesu erire Ithe matu-inĩ
Nĩndaikũrũka thĩ
Ngahonokie arĩa matũire
Manyarirĩkaga
Jesu aikũrũka gũkũ thĩ
Nĩageririo mũno
Na mathĩna ma gũkũ thĩ
Na ndahootekire

3.
Onirio morirũ maingĩ
Marĩa marĩ thĩ ĩno
Nĩguo ahoe mũhianano
Anengerwo mothe
Ahũrirwo na akĩrumwo
Na agĩthekererwo
Ningĩ akinyũrũrio mũno
Akĩenda ũgooci wa Ithe

4.
Athiĩrĩirwo nĩ Judasi
Na ũũgĩ mũingĩ ma
Kũrĩ athĩnjĩri Ngai
Nĩguo mamũnyite
Hĩndĩ ĩrĩa mamũnyitire
Agĩtwarwo ituĩro-inĩ
Ciira ũrĩa maamũtuĩrĩire
Moigire nĩoragwo

5.
Oragwo nĩguo aahotire
Kuona njĩra njega
Ya gũcoka ũthamaki-inĩ
Wa Ithe ũrĩa aatigĩte
Acoka nĩguo aikarĩire
Gĩtĩ gĩa ũthamaki
Wake tondũ nĩatoretie
Caitani na andũ ake

6.
Ehĩtire akiuga na ma
Mũndũ ũkwenda muoyo
Nĩagerere njĩra yake
Ya kũnyarirĩka
Nĩguo akona njĩra njega
Ya kũringa rũũĩ
Gĩkuũ nĩyo njĩra njega
Ya arĩa akirĩrĩria

7.
Enoku mena Elija
Maathire na mwĩrĩ
Akĩhĩta akiuga na ma
Nginya thĩ ĩgathira
Gũtirĩ mũndũ ũgacoka
Kwambata na mwĩrĩ
No mũhaka gũtonyagwo
Na ruo rũnene