420. NGAI WARI HO NIWE WI HO

1.
Ngai warĩ ho nowe wĩ ho
Korokoro-inĩ na Petero
O na niĩ ũguo no taguo
Ndĩ hakuhĩ ta mũromo-inĩ

Ũhonokie, ũhonokie Jesu
Moko-inĩ ma mũhianano
2.
He kĩrĩkanĩro Mwathani
Ndona thĩna ngagũkaĩra
Ndona magerio maingĩ mũno
Nyonagia ha kũhonokera

3.
Wĩyonanie rĩngĩ Mwathani
Ngũkũmagie itarĩ na nganja
We warĩ ho nowe wĩ ho
Ũhoti waku nĩwoneke

4.
Mũhianano warũgamana
Rũgamana naguo Mwathani
Ndehoka rũhiũ rwa Jehova
Macio mothe nĩakandoreria

5.
Mũhianano naguo nĩ ũrĩkũ
Ngainamĩrĩra ndige Jesu?
Ndĩ na Jesu nĩngahotana
Ngamatiga magegeaire

6.
Ũkombo nĩ wakĩ Mwathani
Waũtũria moko-inĩ makwa?
Hiũha narua Mwathani wakwa
Ũndware mũciĩ wa matu-inĩ

7.
Gũcaya njayaga ndĩ thĩ ĩno
Ndingĩona wa kũnjiguĩra tha
Rĩu nĩndĩkĩtie kũmenya
Atĩ nĩwe mwĩhoko wakwa

8.
Aciari mekũnyarirĩka
Monie njĩra yaku Mwathani
Ngoro yakwa ĩrĩ kũhĩnja ma
Nĩ ũndũ wa kĩeha na maithori

9.
Gacĩra no kamwe nyendaga
Ga gũkinyagĩra Mwathani
Kĩrathĩmo no kĩmwe ngwenda
Gĩa kũrathimwo nĩ Mwathani

10.
Aingĩ makaruma Mwathani
Tondũ matikageithio Nĩwe
Bendera yake yarũgama
Makarĩra na magirĩke.