5. NGAI NIERUHAGIA IRIKANIRO. (11/12/1942)

1.
Ngai nĩerũhagia irĩkanĩro
Igatuĩka njerũ kũrĩ riũa
Na ndone kĩrĩma kana nduma
Cia kũmũgiria agĩũka kũhingia
Tondũ Ngai etagwo gũtoria

2.
Nĩerire Iburahĩmu na mũgambo
Nĩũkaingĩha ta njata cia matu-inĩ
Ndũrĩrĩ ikarathimwo nĩ ũndũ waku
Onake Iburahĩmu akĩmwĩtĩkia
Ngai akĩhĩta na ũhoti wake

3.
Musa nĩgakena he Mwathani
Tondũ nĩ gĩtina kĩa ũhonokio
Nĩakirĩrĩirie ruo rwa ngoro
Ningĩ nĩ mũciri wa matu-inĩ
Nĩagacirithia ndũrĩrĩ cia thĩ

4.
Daudi nĩ gĩtina gĩa ũthamaki
Nyũmba yake ndĩgathengio tawa
Na ndĩkaaga gĩtugĩ gĩa gũcuria
Gĩthondeke nĩ Ngai wa matu-inĩ
Nakĩo gĩtugĩ kĩu nĩ ũthingu

5.
Jesu nĩarĩkanĩire na Ithe witũ
Akiuga nĩekwĩruta muoyo wake
Oke acarie maciaro mũkũyũ-inĩ
Arĩmĩre na aitĩrĩrie thumu
Ngũria nĩngatuĩka maciaro ?

6.
Nĩokire na agĩkua na akĩriũka
Na akĩrĩkanĩra na arutwo ake
Ambata nake Roho nĩagooka
Wa gũtũma matuĩke ũtheri wa thĩ
Nĩngi atuĩre ndũrĩrĩ cira

7.
Matukũ mathira ma gũcooka
Nĩagoka na mbarathi njerũ yothe
Na nyũmba ĩrĩa oigire nĩ athiĩ gwaka
Ĩ thahabu mũhĩrĩga yothe
Na mĩrango ikũmi na ĩrĩ