384. HINDI YA MINYAMARO

1.
Hĩndĩ ya mĩnyamaro
Nĩgũkagĩa na thĩna
Andũ a Ngai mamenwo
Nĩ andũ a Caitani

Mwathani tũtongorie
Ũtũtware igũrũ
Tũcemanie rĩera-inĩ
O hamwe na Mwathani

2.
Herode ũrĩa wa tene
Mehia make maingĩha
Ndarĩ wega onire
Mawĩra-inĩ make

3.
Mũndũ ũrĩa wĩtuaga
Mũrata wa Herode
Kwa Ngai ena haaro
Wega wake no erire

4.
Anyitithia Petero
Agĩtwaro kĩoho-inĩ
Herode na andũ ake
Magĩkena mũno ma

5.
Judasi ũrĩa wa tene
Endia Mwathani Jesu
Ndarĩ wega onire
Akĩũrwo nĩ Mwathani

6.
Arutwo a ihinda rĩrĩ
Mendaga kwĩrirĩria
Igai rĩa Esau
Makendia hinya wao

7.
Andũ a Mwathani
Kenai mũno mũno
Ngai wanyu arĩ muoyo
Ngai wanyu arũngiĩ ho.