224. CIUGO CIA NGAI NA JESU

1.
Ciugo cia Ngai na Jesu
Na cia Roho Mũtheru rũmia
Warũmia wĩ mũrathime
Na wacirekia wĩ mũrume

Nĩ mĩthenya ĩĩrĩ mĩnene
Wa gũciarwo na wa gũkua
Wĩtigĩre ũcio wa gũkua
Gĩtũmi wakorwo na mehia
Ndũgatĩĩra gũkua wĩrire

2.
Makanitha endai Jesu
Mũrũmie maathani ikũmi
Mũthaithe andũ othe merire
Magarũrũkĩre Ngai

3.
Andũ arĩa anyinyi na anene
Mũngĩigua mũgambo wake
Tigai kwĩyũmia ngoro
Na mũtikanagerie Ngai

4.
Ũũgĩ wa meciria mothe
Ma andũ ehia ũgatuĩka tũhũ
Maakua mariũke makinye
Mũthenya wa gũcirithio

5.
Rũciaro rũrũ rwaganu
Rwa matukũ-inĩ ma ithirĩro
Garũrũkai mwĩrire
Mweherere mbaara ya Ngai.