209. ROHO MUTHERU NIAKWAMURIRE

1.
Roho Mũtheru, nĩakwamũrire, tiga nganja
Tiga kũhana ũcio wahũndũkire na thutha

Nĩ kĩ? Nĩahenirio ngoro nĩ Caitani
Ta Judasi akĩũrwo nĩ irathimo

2.
Ũcio nĩ tũhũ nĩagire bata, nĩ mũgarũ
Anyarirĩirwo ũhoro ũrĩa mwega, na akĩũtiga

3.
O na ahũta no tũhũ, tondũ nĩariganĩirwo
Ahũtĩire ũhoro ũrĩa mwega, na akĩũtiga

4.
Nĩ mathĩna maingĩ mũno marĩa athĩnĩirio
Athĩnĩirio ũhoro ũrĩa mwega, na akĩũtiga

5.
Atũire njaga na ruo rũingĩ na mĩnoga
Anogeire ũhoro ũrĩa mwega, na akĩũtiga

6. Ehinyĩrĩirie matukũ maingĩ na maithori
Arĩragĩra ũhoro ũrĩa mwega, na akĩũtiga

7.
Aarĩ mũhotheri Ngai mũno indo ciake
Ahothagĩra ũhoro ũrĩa mwega, na akĩũtiga

8.
Mabũrũri maingĩ nĩacangire na ng’aragu
Akĩheana ũhoro ũrĩa mwega, na akĩũtiga.