192. KIAMBIRIRIA KIA UMENYO NI GWITIGIRA NGAI

1.
Kĩambĩrĩria kĩa ũmenyo
Nĩ gwĩtigĩra Ngai
Wĩtigĩre maathani make
Mũcemanio-inĩ matu-inĩ Jesu nĩakarũgama
Agathĩrĩrie ũũgĩ waku

Arĩa maaciarirwo na ũhoro wa ma
Matimakaga othe na matirĩ guoya
Nĩ athingu matinainaga
Meragwo nĩ kĩhooto
Ũmĩrĩriai ndĩ hakuhĩ

2.
Jesu mũnene wa ihooto
Mũtongoria Mũtheru
Mũrutani ũhoro wa ma
Ũthingu na kwĩhokeka nĩcio ehotorete
Akĩrutana ũhoro wa ma

3.
Kĩrĩndĩ nĩ kĩagegirio
Nĩ Jesu akĩrutana
Na nĩamakirie Afarisai Othe na andĩki-marũa makũmũiguĩra ũiru
Tondũ moigaga na matiĩke

4.
Mĩrimũ mĩthemba yothe
Jesu nĩahonanirie
Aiguĩrwo ũiru akĩũragithio
Mũthenya wa ĩtatũ ahoota gĩkuũ agĩkĩrwo thũmbĩ
Ya muoyo nĩ Ithe akenete

5.
Mwathani ariũka nĩaheirwo
Watho wa igũrũ na thĩ
Na akĩĩhokerwo ciira wothe
Ndagatua ciira na njukũ
Kana arore andũ ithithi
Magatuĩrwo othe na kĩhooto.