140. RIRIA MUKURIA MUGATE UYU WA MUOYO

1.
Rĩrĩa mũkũrĩa mũgate ũyũ wa muoyo
Mũndũ o mũndũ etuĩragie
Tondũ Jesu nĩatũmaga araika
Moke harĩ inyuĩ matuĩke aira

Ndamũthaitha athuuri na atumia
Na anake na airĩtu
O na tũkenge mũkĩrĩa mũgate ũyũ
Roho ekuuga mũndũ etuĩragie

2.
Musa nĩaheire ciana cia Isiraeli
Rwĩga me weru-inĩ
Maaga gwĩtuĩria makĩũragwo nĩ nyamũ
Cia thĩ ciahenagia ta gĩcango

3.
Nguuga na ma mũndũ arĩa mũgate ũyũ
E na hitho ĩrĩa njũru
Nĩegũtuĩrwo ciira kinya matu-inĩ
O ta’rĩ we wambire Mwathani

4.
Mũgate ũyũ Judasi aũrĩire
E na hitho ngoro-inĩ
Awamũkĩra Caitani akĩmũiyũra
Akĩarahũka metha-inĩ akiuma


5.
Hĩndĩ ciothe mwamũkĩra mũgate
Mũtongoragio nĩ ma
Mwaririkana Jehova Ngai arĩ ho
Na Jesu na Roho na araika

6.
Anabii na atũmwo a Gatũrũme
Nĩ aira a mũgate ũyũ
Matũthaithire me na maithori maingĩ
Tũkĩwamũkĩra twĩtuĩragie.