115. RURIMI RUA MUTHAMAKI JESU

1.
Rũrĩmĩ rwa Mũthamaki Jesu
Rwaririe ciugo ihaana
Mũtego wa kũgwatia ndũrĩrĩ
Ciothe iria irĩ thĩ ĩno

Oigire andũ arĩa
Me mbere nĩ magacoka thutha
Nao a thutha mathiĩ mbere

2.
Kwambĩrĩirie Kaini na Habili
Kaini nĩwe wa mbere
Ciĩko ciake ikĩmũcokia thutha
Habili agĩtwarwo mbere

3.
Ningĩ Ishumaeli na Isaaka
Nĩ Ishumaeli wa mbere
Na agĩcokio thutha hamwe na nyina
Isaaka agĩtwarwo mbere

4.
Esau nake me na Jakubu
Nĩ Esau irigithathi
Na agĩcokio thutha wa Jakubu
Aheneka nĩ nda yake

5.
Kĩrĩkanĩro kĩrĩa gĩa tene
Gĩacokirio thutha kĩehio
Gĩkĩheanwo kĩerũ kĩa Roho
Gĩtuĩke kĩa mbere

6.
Adam wa mwĩrĩ nĩahenirio
Nĩ ngoma agĩcoka thutha
Jesu nĩwe Adam wa Roho
Nĩatoririe agithiĩ mbere.