12. TEGAI MATU ATHURI NA ATUMIA OTHE

1.
Tegai matũ athuri na atumia othe
Na anake na airĩtu
O na tũhĩĩ na tũirĩtu ũkĩrai toro
Inyuĩ mwĩrirĩirie njĩra ya muoyo
Na mũkerirĩria,
ũhoro ũrĩa wa ma ũtarĩ wa maheni

Iguai gĩtina kĩa nyũmba ĩyo
Ya ũhonokio Jesu akĩire andũ othe

2.
Jesu oima werũ-inĩ magerio-inĩ make
Etire Petero na Jakubu
Na Johana makĩrathimĩrwo kĩeha na maithori
Akĩmatua nyũmba ya ũhonokio
Ya kũhonokia,
mĩoyo ya andũ othe yume gwĩ Caitani

3.
Mwathani witũ aathurire Petero
Na Jakubu na Johana
Atatũ akĩmambatia kĩrĩma gĩtheru
Akĩmahoera mendane mũno
Matu-inĩ gũkiuma,
Musa na Elija moke matuĩke aira

4.
Gakenge ka Jairu Jesu agĩkahonia
Ndetĩkĩrire hakorwo andũ aingĩ
Tiga Petero na Jakubu na Johana oiki
Jesu amathurire matuĩke aira a ma
Na ithe wa kaana,
na nyina makorirwo hamwe na aira acio

5.
Mũthenya wa Jesu wa gũkua wakinya
Atwarire Petero ndundu
Na Jakubu na Johana akĩmegaĩra
Akĩmera hingo ya kwambwo nĩ nginyu
Rĩu ikaragai,
mwĩhũgĩte na mũtikanakome

6.
Na Paulu atuwo kĩmũrĩ nĩ Jesu
Ageithirio na guoko kwa ũrĩo
Nĩ Petero na Jakubu na Johana aira a ma
Makĩmũgaĩra hinya mũingĩ
Na ũtheri mũnene,
aũtwarĩre ndũrĩrĩ ihonoke

7.
Paulu ainũka me na Baranaba
Magĩkinya kũrĩ atũmwo othe
Petero akĩmahe othe ũhoro wa ma
Jakubu mũira wa magongona
Akĩra andũ othe,
ciugo cia Simioni citungatĩrei

8.
Ngũmũthaitha inyuothe na ndĩmwĩre na ma
Ũrĩa ũtharũragia gĩtina kĩrĩa
Ngai aitĩrĩirie maguta matheru
Tigai gũcũnga mũigue inyuothe
Nĩngũmũmenyithia,
atĩ wega wake no atangĩaciarirwo.