28 Ndĩ mwĩhia na wanyona

1.
Ndĩ mwĩhia na wanyona,
Ithe witũ wa igũrũ;
Kinya gũciarũo gwakwa
Niĩ no njĩkaga ũũru.

2.
Ndĩratũire nduma-inĩ,
Na ndingĩigua ũũru wakwa
Ndironaga ta ndĩ mwĩhia
Kana ngamenya wĩ mwega.

3.
Na rĩu ũhoro waku
Nĩũtonyete ngoro yakwa;
Nĩũthecete ta itimũ,
Na ngaigua na ngamenya.

4.
Ti-itherũ ngũigua ruo,
Baba mwega, na ngathĩna;
Rora maithori makwa
Ngĩrĩrĩra wĩhia wakwa.

5.
Njarĩrĩirũo nĩ gũthũra
Maũndũ maaganu mothe;
Njagĩrĩirũo nĩ gũtiga
Indo cia Shaitani ciothe.

6.
Ũnjiare rĩngĩ Baba;
Njikĩra Roho Mũtheru,
Atheragie ngoro yakwa
Na anjĩkĩre hinya mwerũ.