58. MWATHANI ERIRE PETERO

1.
Mwathani erire Petero
Nĩ niĩ ihiga rĩa ũthamaki
Rĩrĩa rĩonirio Danieli
E bũrũri-inĩ wa ũgeni
Ndagwĩta ũtuĩke gĩthima
Gĩa kũnyuagwo nĩ athĩni
Heaga ng’ondu gĩa kũrĩa
Tondũ itonga nĩciarega

Gũgakenwo mũno mũno
Nĩ ngiri cia Gatũrũme
Nĩmakagooca Mwathani
Me na thũmbĩ cia thahabu


2.
O na angĩkorwo nĩ athĩni
Kana ciana cia ũthamaki
Mangĩkarega gĩthima
O na niĩ nĩngamarega
Twarega Roho wa ũthingu
Tũkagaya ta Esau
Wendetwo nĩ ithe arathimwo
Akĩenda irio cia irĩa rĩmwe

3.
Arĩa matarĩ maathani
Thĩinĩ wa nyũmba ya ngoro
Makagaĩrwo mũtino
Nĩ ũndũ ti ahiũ na ti ahoro
Nũ ũngĩgaya ta Musa
Rĩrĩa arĩ Kwa Firauni
Akiuma nyũmba ya ũnene
Akĩgaya mĩnyamaro

4.
Gũkena nĩ ũrĩa ũkerega
Nĩ ũndũ ndakariganĩra
Nĩaigĩirwo thũmbĩ ya ũnene
Igai rĩtagathira
Ũrĩa wĩna mũtharaba
Angĩkaga kũũhurũkia
Ona atekuona mũnyaka
Nĩakagaĩrwo ũthamaki

5.
Arĩa athingu nĩarathime
Rĩrĩa mekunyarirĩka
Tondũ wakwĩrĩgĩrĩra
Bũrũri wa arĩa me muoyo
Ngũmwĩra na ma twĩ mbũri
Gatagatĩ-inĩ ka nyamũ
Maathani nĩmo hingũro
Cia kũhingũra matu-inĩ.