534. MENYAI URIMU URI URITU MURITU

1.
Menyai ũrimũ ũrĩ ũritũ mũritũ
Ũrimũ na kũrigwo icio cierĩ nĩ nditũ
Gũkĩra mũthanga mũingĩ na mahiga
Ũrimũ ũrĩ ũritũ mũritũ makĩria

Mwana mũũgĩ nĩ ũrĩa wĩtigagĩra
Maathani marĩa Ngai aathanire
Na watho ũrĩa Jesu aathanire
Na watho ũrĩa wothe wa Roho Mũtheru

2.
Suleimani oigire nĩ kaba
Ũtũngwo nĩ nyamũ njũru ĩtagwo
Nduba ĩ ndunye mwana wayo
Gũkĩra ũtũngwo nĩ ũrimũ

3.
Jesu oigire Baba mohere
Awa marekere aya nĩ irimũ
Ona matiũĩ ũrĩa mareka
Ngai ndagũthaitha ũmarekere

4.
Ngoro-inĩ wĩthuurĩre ũũgĩ ũrĩa wa ma
Ũũgĩ wa ma nĩ wĩtigĩre watho wa Ngai
Ũcio nĩguo ũũgĩ ũrĩa wa ma
Rũmia ciugo cia Ngai ũtuĩke mũũgĩ na ma

5.
Anyinyi na anene thikĩrĩriai
Tegai matũ manyu merĩ mũigue
Ciugo cia mbuku ĩno ya Ngai
Ciugo icio ciikarage ngoro-inĩ cianyu