481. NGUTHAITHA ATHURI NA THAITHE ATUMIA

1.
Ngũthaitha athuuri na thaithe atumia
Na thaithe anake ona thaithe airĩtu
O hamwe na ciana cia ngenge
Mathikĩrĩrie ũrĩa Roho ekuga

2.
Roho ekuga nderuta wĩra na njukũ
Na nderuta wĩra na maheni
Na nderuta wĩra na andũ a gĩcambanio
Kana arute wĩra na mwĩgatho

3.
Ngoro-inĩ cia andũ aingĩ kũiyũire mwĩgatho
Na gũkaiyũra mbaara na ũhinga
Na njukũ na maheni na kwĩnenehia
Na ningĩ makaaga ũhoro wa ma

4.
Musa erire Ngai nĩngwenda gũkuona
Nake Ngai akĩra Musa atĩrĩ
Gũtirĩ mũndũ ũngĩnyona acoke gũtũũra muoyo
Mũndũ angĩnyona no nginya akue

5.
Na inyuĩ mũngĩkorwo nĩmuonete Roho
Mũtingĩcoka gwathwo nĩ mwĩrĩ
No nginya mũkue ciĩga-inĩ cianyu ciothe
Iria cia merirĩria ma mwĩrĩ

6.
Mũrage njukũ na ũthũ na gĩcambanio
Na mũrage ũhinga na rũmena
Na mũrage uuhi na thuti cia mwĩrĩ
Nĩgetha Roho atwarane na inyuĩ

7.
Ngai erire Musa ere andũ othe metherie
Nĩguo makuhĩrĩrie kĩrĩma
Nĩguo mathikĩrĩrie ũrĩa Ngai ekuga
Nĩ getha ndakae kũmanina

8.
Na inyuĩ inyuothe rĩu no nginya mwĩtherie
Nĩguo mũkuhĩrĩrie kĩrĩma
Na kĩrĩma kĩu nĩ Roho Mũtheru
Nĩ getha ndakae kũmũnina

9.
Maũndũ macio mothe muona mwahingia
Matu-inĩ nĩmũkahingũrĩrwo
Nake Roho Mũtheru arĩ mbere yanyu
Tondũ nĩagatuĩka mũira wanyu.