477. ROHO MUTHERU OIMIRE IGURU

1.
Roho Mũtheru oimire igũrũ
Agĩũka gũtongoria
Andũ arĩa mageraga njĩra
Ya gũthiĩ matu-inĩ

Roho nĩwe ũtũhoyagĩra
Agatũthaithanĩra
Na mũcayo ũtangĩgweteka
Akoiga Awa Baba

2.
Anabii nĩmarathire
Ũhoro wa Mwathani
Me na hinya na ũmĩrĩru
Wa Roho Mũtheru

3.
Roho nĩaikũrũkĩire atũmwo
Marĩ Jerusalemu
Akĩgarũra ngoro ciao
Akĩmahe hinya

4.
Marĩkia kũheo hinya ũcio
Makĩendia ithaka ciao
Magĩthiĩ kumbũrĩra andũ othe
Ũhoro wa Mwathani

5.
Makĩhunjia na ũcamba mũingĩ
Me na hinya wa Roho
Makĩhonagia andũ mĩrimũ
Na kũriũkia arĩa akũu

6.
Roho Mũtheru atonya ngoro
Ahehenjaga ciĩga
Agatharia nyũmba ya tene
Agaka ĩngĩ njerũ