470. GUKU THI INO GUTIRE KIHURUKO

1.
Gũkũ thĩ ĩno gũtirĩ kĩhuruko
Andu arĩa matũire kuo matihurũkaga
Nĩ bũrũri wa thĩna na kũnyarirĩkaga
Gũkũ thĩ guothe gũtirĩ na ũhurũko

Andu arĩa me thĩ maikaraga nduma-inĩ
Nĩ ũndũ matirĩ Jesu ngoro-inĩ ciao
Nĩkĩo maikaraga matarĩ ũhoro wa ma
Gũkũ thĩ guothe gũtirĩ na ũhurũko

2.
Mwĩrĩ ũyũ twĩ naguo nĩ mwĩrĩ ũkuaga
Na nĩ mwĩrĩ ũrũaraga
Na nĩ mwĩrĩ ũkũraga
Na ndũrĩ na igai bũrũri wa matu-inĩ
Gũkũ thĩ guothe gũtirĩ na ũhurũko

3.
Hoyai Ngai amũmenyithie Jesu
Nĩguo amũhurũkie ngoro-inĩ cianyu
Nĩguo mũcoke mũheo Roho wa ma
Gũkũ thĩ guothe gũtirĩ na ũhurũko

4.
Mwarĩkia kuma ũkombo-inĩ wa mwĩrĩ
Mũrĩathagwo nĩ Jesu ngoro-inĩ cianyu
Na ningĩ mwakua amwambatie igũrũ
Gũkũ thĩ guothe gũtirĩ na ũhurũko

5.
Mwathani Jesu oigire nĩ niĩ njĩra
Na akiuga nĩ niĩ muoyo
Na nĩ niĩ ũhoro wa ma
Mũndũ ũnyonete nĩonete Ithe witũ
Gũkũ thĩ guothe gũtirĩ na ũhurũko.