461. NYUMIRIIRUO NI MUGAMBO UUMITE IGURU

1.
Nyumĩrĩirwo nĩ mũgambo uumĩte igũrũ
Ũkanjĩra ndĩna haaro ndarega kwĩrira
Na niĩ rĩu ndĩ na kĩeha ngoro-inĩ yakwa
Nĩ tondũ ndirĩ nderira o nginya tene

Ng’ombe na mbũri na mbia itirĩ na bata
Ndĩyoneire ũhonokio wĩ kwa Mwathani

2.
Ngũikia maitho ngona Jesu arĩ rĩera-inĩ
Akĩheneria na guoko twambate igũrũ
O na ingĩcambio nĩ andũ kana mamene
Ngĩonaga riri wa Jesu ndĩ na gĩkeno

3.
Ngũikia maitho ngona mwaki ũrĩ kwa ngoma
Ngoria nĩ kĩ kĩngĩtũma ndĩweherere?
Nguona mĩago na morirũ ihaana tũhũ
Nyũmba yakwa na ũrĩrĩ irĩ kwa Jesu

4.
Mũthuuri ũyũ mũtumia mwĩ na kĩrĩro
Wĩriri ũmũkinyĩire mwawagĩra bata
Mwanake ũyũ na mũirĩtu mwĩ na kĩrĩro
Wĩrĩri ũmukinyĩire mwawagĩra bata

5.
Andũ aingĩ matuĩte atĩrĩ na ngoro ciao
Ngetĩkia Mwathani Jesu rĩrĩa ngamuona
Na niĩ ngũmwĩra atĩrĩ arata akwa
Jesu ndonagwo na maitho tiga ma ngoro

6.
Nĩmũheetwo ihinda rĩega rĩa kwĩrira
No mũthenya wa Mwathani hatirĩ na thaa
Jesu atindaga akĩmwĩra mũmwamũkĩre
Na inyuĩ no kũhenererio nĩ mĩago ya thĩ ĩno

7.
Mwatũmirwo nĩ Mwathani mũkahunjĩrie andũ
Mũkĩona mĩago ya thĩ ĩno ĩkĩmũhenereria
Mangĩkoora nĩ mũkorio thakame yao
O hamwe na mĩoyo yao mũthenya wa ciira.