457. JOHANA AIGUIRE MUGAMBO

1.
Johana aiguire mũgambo
Umĩte igũrũ kwĩ Ngai
Akĩrwo maũndũ ma thutha

Aremi nĩmakahũrwo
Nĩ marakara ma Ngai
Marĩa ma kũrigĩrĩria

2.
Coro wa mbere ũkahuhwo
Andũ arĩa matũũraga thĩ
Makagĩyo nĩ mĩrimũ
Arĩa me rũũri rwa nduĩra

3.
Wa kerĩ akonoreria ĩngĩ
Iria-inĩ rĩrĩa inene
Maaĩ makagarũrũka
Kĩrĩa kĩrĩ kuo gĩgakua

4.
Gatatũ gũkonorio ĩngĩ
Njũũĩ-inĩ o na ithima-inĩ
Maaĩ makagarũrũka
Aremi manyua magakua

5.
Mũraika wa maaĩ akoiga
Kũrathimwo na kũgoocwo
Nĩ cia Ngai ũrĩa wĩ muoyo
Wamahe ruo maninwo

6.
Wa kana nake akonoria
Mbakũri yake rĩera-inĩ
Andũ mahĩe nĩ ũrugarĩ
Marume Ngai wa igũrũ

7.
Nyamũ ĩrĩa yathaga thĩ ĩno
Nĩ ĩgaitĩrĩrio mbakũri
Rĩera-inĩ gũkagia nduma
Arĩa othe mamĩtĩkagia
Magatanukaga nĩmĩ

8.
Njũũĩ ciothe nĩ ikahũa
Nĩ ũhoti wa Gatũrũme
Anene o na athamaki
Matonywo nĩ roho mũũru

9.
Atĩrĩrĩ-i arata akwa
Mwathani agoka ta mũici
Gũkena nĩ ũrĩa ũtoretie
Na amenyereire maathani.