419. NGAI MWENE HINYA WOTHE-II

1.
Ngai mwene hinya wothe-ĩ
Tũhonokie Mwathi witũ
Thĩinĩ wa rũgendo rwitũ
Tũhonokie Mwathani

Nĩtũgakena twatoria
Na tũkona Mwathi Jesu
2.
Kũrĩra tũrĩraga-ĩ
Tũkĩũria Mwathi witũ
Magerio ma gũkũ thĩ
Nĩmagathira hihi?

3.
Rũgendo rwa gũkũ thĩ-ĩ
Nĩ thĩna-inĩ Mwathi witũ
Kĩhurũko kĩega
Nĩ matu-inĩ igũrũ

4.
Thĩinĩ wa thĩna witũ-ĩ
Tũhonokie Mwathi witũ
Moko-inĩ ma Caitani
Nĩ getha tũhotane

5. Karumbeta gakahuhwo-ĩ
Makarĩra Mwathi witũ
Rĩrĩa coro ũkahuhwo
Uumĩte matu-inĩ

6.
Mũthamaki nĩagoka-ĩ
Kũhonokia Mwathi witũ
Kĩrĩndĩ gĩa gũkũ thĩ
Gĩkoima ũkombo-inĩ

7.
Gĩkuũ-inĩ kwa Caitani-ĩ
Nĩgũthira Mwathi witũ
Muoyo-inĩ kwa Mwathani
Nĩgũtũũra o tene

8.
Hĩndĩ ya iriũkĩro-ĩ
Tũkehumba Mwathi witũ
Nguo njerũ ta ira
Cia gũtoria nduma-inĩ.