283. INYUOTHE MENYAI UMUTHI

1.
Inyuothe menyai ũmũthĩ
Gwĩ kĩhingũro tũhingũre
Kanitha nyũmba ĩyo theru ya Ngai
Wĩyũrie na ngoro yaku
Kana we nĩũkũhingũrĩrwo
Ngoro yaku ũtuĩke hekarũ ya Ngai

Inyui athuuri na atumia
Na anake na airĩtu
Na tũmwana na tũirĩtu
Mwathuurirwo nĩ Ngai na ma
Mũthenya wa ũmũthĩ
Kenai mũno mũno
Ngoro-inĩ mũgooce Mwathani
Na mũke mũmũcokerie ngatho


2.
Menyai kĩhingũro
Nĩ kĩa ngoro ya mũndũ ũrĩa
Ũkũhingũrwo ũmũthĩ ngoro nĩ Ngai
Mũndũ ũcio amenye Rĩĩtwa
Rĩa Ngai na rĩa Jesu na rĩa Roho Mũtheru
Arũmie maathani ma Ngai
Na ma na ma meciria-inĩ make.