265. JEHOVA NGAI ARATHIMIRE

1.
Jehova Ngai aarathimire
Iburahĩmu ithe wa andũ othe
Atuĩke gĩtina gĩtheru
Kĩrathime na mwĩhĩtwa

Menya na ma na ma
Kĩgongona-inĩ na ma
Nĩ ho Ngai arathimanagĩra

2. Iburahĩmu arathimirwo
Nĩ Merikisendeki
Mũthĩnjĩri mũtheru
Akĩrathima Iburahĩmu

3.
Musa athuurĩiruo nda ya nyina
Nĩ Ngai na akĩheo ciama
Ituĩke ũira mũtheru
Wa kuuga Musa nĩ mwamũre

4.
Harũni na ciana ciake
Ngai nĩamarathimire
Na moko ma mũtheru Musa
Marutagĩre andũ igongona

5.
Johana wa Zakaria
Amũũrirwo nĩ mũraika
Mũtheru Jibiraeli
Ũrĩa warĩirie Zakaria

6.
Jesu aciarwo arathimirwo
Nĩ Simioni mũthuuri
Mũkũrũ mũno watũire
Hekarũ ya Ngai thĩinĩ

7.
Petero na Jakubu
Na Johana marathimirwo
Nĩ Jesu matuĩke mĩromo
Ĩtatũ ya Jerusalemu

8.
Atũmwo ikũmi na erĩ
Marathimirwo na igongona
Itheru nĩ Jesu ena ruo
Matongoragie mĩoyo ya andũ

9.
Korinelio na andũ ake
Othe marathimirwo
Nĩ mũtheru Petero
Matonye kĩrĩkanĩro-inĩ

10.
Paulo arathimirwo
Nĩ Petero na Jakubu
Na Johana makĩmũgeithia
Magĩe ngwatanĩro wĩra-inĩ