23. ARIA OTHE ME MUHURO WA RIUA

1.
Arĩa othe me mũhuro wa riũa
Ndũrĩrĩ hamwe na Isiraeli
Ngai amũtũmĩire Mũciri ũrĩa,
wama na kĩhoto

Nĩguo mwahumbirwo
Kĩrathimo hamwe na kĩrumi
Ikiuma kwĩ Ngai

2.
Mwathani Jesu rĩrĩa ambatirie
Petero na Jakubu ona Johana
Kĩrĩma igũrũ akĩmaitĩrĩria,
maguta matheru

3.
Makanitha ma ndũrĩrĩ ciothe
Hĩndĩ ĩrĩa mwaitĩrĩirio maguta
Mũgĩtuo itugĩ cia thahabu,
mũcuragie tawa

4.
Ndungata ciothe cia makanitha
Mwaigĩrĩirwo moko mũkĩhĩta
Mũrũgamĩtio mbere ya Ngai,
mũgĩtuo aira

5.
Athuri na atumia hĩndĩ ĩrĩa
Mwahikithanirio nĩ kanitha
Aira mehumbĩte irĩkanĩro,
na mĩhĩtwa yothe

6.
Anake na airĩtu mũthenya ũrĩa
Mwaciarirwo rĩngĩ nĩ kanitha
Mũkĩbatithio marĩtwa merũ,
aira marũngiĩ ho

7.
Ciana nĩ theru ciarathimĩirwo
Ũthamaki wa Ngai nĩ Jesu
Hĩndĩ ĩrĩa oigire mũmenyerere,
kũhĩtithia kamwe

8.
Ndamũthaitha mũtũũre na kĩeha
Mwamenya mwehĩtire na Ngai
Na Jesu na Roho mũkĩmera,
nĩo aira anyu.