229. JEHOVA NGAI AROGOCWO

1.
Jehova Ngai arogocwo kuuma thĩ na igũrũ
Hinya nĩ wake na ũhoti, na kũhonokania

Mũgambo wa Jehova Wateithirie Nuhu Mwaigua mũgambo ta Nuhu Mwĩnyihĩrie Ngai

2.
Hamani arutire watho Ayahudi moragwo
Nao makĩũngana hamwe, marĩrĩre Ngai

3.
Othe marũrũnganire me na ruo ngoro
Na kĩeha me na maithori, metie Ngai ũteithio

4.
Moridekai agĩũkĩra ehumbĩte nguo
Ya ikũnia ĩrĩa ya kĩeha ya gũ-thaitha Ngai

5.
Akĩrĩra mũno arũngiĩ itũũra gatagatĩ
Esiteri amũhoreria, we ndahorerire

6.
Mũthenya ũcio Esiteri akiuga hoerai
Ngahe mũthamaki ũhoro, kaba nĩi njũragwo

7.
Mĩthenya ĩtatũ Ayahudi, makĩhoya mũno
Ngai e igũrũ agĩikũrũkia, ũhotani mũnene

8.
Hamani thũ ya andũ a Ngai ahotwo nĩ Ngai
Oragirwo na njibe ĩrĩa yaarĩ gwake mũciĩ.