2. MUTHENYA WA MWATHANI. (2/3/1943)

1.
Mũthenya wa Mwathani,
wa gũka gũkũ thĩ
Ndũrĩrĩ nĩ ikawona,
wĩ mũnene mũno
Gũkĩra mũthenya ũrĩa,
Ngai ombire gũkũ thĩ
Tondũ nĩguo wa ituĩro,
rĩa ciira wa Ngai

2.
Nĩtũkaigua matu-inĩ,
mĩthiĩre ĩkĩgoca
Ya atheru arĩa makoiga,
we Ngai wĩ hoti
Gatũrũme wĩ wa ma,
nĩwatuonirie njĩra
Maathani maku Jesu,
nĩ matheru mothe

3.
Tũkona Iburahĩmu,
mena ciana ciake
Isaka na Jakubu,
marĩ ũthamaki-inĩ
Nao anabii othe,
mamathiũrũrũkĩirie
Iburahĩmu egoce,
na mathĩna make

4.
Gatũrũme akehumba,
gũtorania gwake
Nĩagatongoria andũ arĩa,
moimĩte mbaara-inĩ
Makahoota ndamathia,
na mũhianano wayo
Makerwo aya nĩ thingi,
nyamũranie na thĩ


5.
Jesu nĩagetia Ngai,
thũmbĩ cia ũthamaki
Ciĩkĩrwo mĩtwe yao,
ndũrĩrĩ ikĩonaga
Na marutĩrwo muoyo,
ũrĩa maigĩirwo igũrũ
Tondũ nĩ methũrire,
muoyo ũrĩa wa mwĩrĩ