188. MWATHANI NJAMBA IRI URUME

1.
Mwathani njamba ĩrĩ ũrũme
Nĩonanirie ũmĩrĩru
Na wendani wa kĩhooto
Makanga magwete imũrĩ

Nĩonirio mathĩna ahonokie andũ othe
E na wendani mũnene
Wendo nĩ wanenehire
Ũgĩtũma aitwo thakame

2.
Nĩ maanyitĩte ndotono
Na makanyita matimũ
Na hiũ cia njora irĩ moko
Ta’rĩ mũici mamũũrage

3.
Makanga makĩmũnyita
Na makĩmũrigicĩria
Jesu akĩonania wendani
Wa kũhonia ngombo gũtũ

4.
Jesu atwarĩrwo athĩnjĩri
Na athuuri makĩmũgũra
Ciringi mĩrongo ĩtatũ
Judasi agĩciamũkĩra

5.
Rĩrĩa Jesu acirithagio
Nĩomĩrĩirie mũno ngoro
Nĩ kũmenya nĩarĩkĩtie
Wĩra ũrĩa aheirwo nĩ Ngai

6.
Pilato amũtuĩra ciira
Akĩmũhũra na iboko
Oimio nja nao athigari
Makĩmũminjĩria mata

7.
Mamũgũthire na rũhĩ
Mamuohete maitho merĩ
Makĩmwĩra ta ragũra
Uuge nũ wakũgũtha