181. ANDU AINGI NIMEKUGARURUKA

1.
Andũ aingĩ nĩmekũgarũrũka
Gwa Caitani mate mĩoyo yao
Na mate wĩra ũrĩa marutĩte
Me na ng’aragu na thĩna mũnene
Monio mĩago ya ihinda inyinyi

2.
Mĩago ya bũrũri wa Misiri
Yatigirwo nĩ Musa akĩmĩrega
Akiuga nĩ kaba nyone thĩna
Hamwe na andũ a Ngai rũgendo-inĩ
Gũkĩra ngenio matukũ manyinyi

3.
Muoyo wa andũ a thĩ othe nĩ mũnyinyi
Mahetwo wa matukũ manyinyi
Muoyo wa matu-inĩ ndũgathira
Andũ maakinya kuo matigakua
Magatũũra muoyo ta araika

4.
Ngũcoka kwenda kĩ thĩinĩ wa thĩ?
Hetwo Roho Mũtheru andongoragie
Ngĩe na ũtheri mũingĩ ndikahĩngwo
Nyonage ithũkĩ ciothe na marima
Marĩa Caitani enjete njĩra-inĩ

5.
Nĩnjĩrĩirwo muoyo ũtagathira
O na ndona ruo na maithori
Na ngerĩrwo gĩkeno kĩnene
Na thũmbĩ ya ũthamaki ũtagathira
Nĩnjĩrĩgĩrĩire nĩ ngaheo.