179. JEHOVA AGETANA IGURU

1.
Jehova agetana igũrũ
Mũcemanio nĩ ũndũ kĩ?
Nĩ arĩhe andũ othe ũtungati
Ũrĩa matungataga
Arĩkia gũtua maciira
Caitani nĩakarĩhwo
Wĩra ũrĩa arutaga thĩ-ĩno
Ũtukũ na mũthenya

2.
Matu-inĩ Ngai atua ciira
Ngoma nĩ kĩ akaheo
Nĩ ruo agathondekerwo
Arũgaĩre andũ ake
Mambĩrĩrie kũmũruma
Na kũmũmena mũno
Othe marũngiĩ mwaki-inĩ
Me na ruo rũnene

3.
Rwĩmbo rwa kũgooca ngoma
Rũkainagwo atĩa hihi?
Thikĩrĩria ũrĩa rũkainwo
Andũ makoigaga mbu
Makĩrĩraga nĩ ruo
Na magateta mũno
Makĩnegenaga othe
Maiyũirwo nĩ maithori

4.
Nakĩo gĩtĩ gĩa Caitani
Ngai akoiga kĩigwo ha?
Kĩigwo riiko gatagatĩ
Caitani agĩikarĩre
Andũ othe a ngoma marĩre
Moige mbu magwatĩirie
Tondũ mendire Caitani
Na ngoro ciao me thĩ

5.
Thigari cia gwa Caitani
Na araika makaigwo ha?
Hĩndĩ ĩo araika a Caitani
Magathiũrũrũkĩria
Gĩtĩ gĩa Caitani riiko
Thigari ciake nacio
Ciigwo ndogo-inĩ ĩrĩa nene
Magatũũra thĩna-inĩ.