141. NGAI NIATHAITHIRE ANDU A TENE

1.
Ngai nĩathaithire, andũ a tene
Na kanua ka Nuhu ndungata yake
Matige waganu, maaga gũtiga
Ngai akĩmatuĩra na kĩhoto, na ma

Nĩ ũhoro wĩ kĩeha, wa kũmakania
Gũkumbatwo nĩ Ngai ũrĩa wĩ muoyo

2.
O na andũ a Sodomu, Ngai amarĩirie
Na kanua ka Loti magĩkararia
Na makĩmũruma, irumi njũru
Ngai akĩmatuĩra na kĩhoto, na ma

3.
Jehova athaithire, Isiraeli
Na kanua ka Musa marĩ weru-inĩ
Magĩtuĩria Ngai, makĩmũgeria
Ngai akĩmatuĩra na kĩhoto, na ma

4.
Mwathani athaithire, andũ a thĩ yothe
Na tũnua twa atũmwo ake ikũmi na erĩ
Makĩrwo merire, mathũũre wĩhia
Matu-inĩ gwĩ ciira wa kĩhoto na ma

5.
Paulo nĩatuirwo njamba ĩrĩ ũrũme
Mũthigari wa ma ũtarĩ ihaki
Erirwo oimbũrĩre, ndũrĩrĩ ciothe
Matu-inĩ gwĩ ciira kĩhoto na ma.