135. NGUTHAITHA NGORO CIA ARIA OTHE

1.
Ngũthaitha ngoro cia arĩa othe
Meriragĩria muoyo
Gũkena nĩ arĩa mekũigua
Gĩtũmi gĩa ciugo ici

Ũira wa kũruta athuuri
Na atumia na anake
Na airĩtu na tũkenge
Gĩtũmi gĩa kanitha

2.
Musa amũrĩirwo athuuri
Ikũmi na erĩ aira
Amwe mathiĩ gũthigana
Makĩruma Jehova

3.
Akani aiya kĩndũ kĩrĩa
Gĩa kĩrumi akĩhitha
Joshua onganirie aira
Marĩrĩre Jehova

4.
Israeli mahikia
Atumia a ndũrĩrĩ
Ezara arĩrĩire Ngai
Ndũrĩrĩ icio ikĩingatwo

5.
Mũrũ wa Ngai aciarwo
Gũkũ thĩ nĩamũrire
Atũmwo arĩa ikũmi na erĩ
Matuĩke aira ake

6.
Jesu thĩinĩ wa atũmwo acio
Nĩamũrire Petero
Na Jakubu na Johana
Magĩtiira kanitha

7.
Athuuri arĩa me matu-inĩ
Mĩrongo ĩĩrĩ na ana
Rĩĩtwa rĩao metagwo atĩ
Aira a kĩgongona